Lo sovenir

Ai daissat 
dubèrta
la pòrta
al cap del camin

Lo fred de la nuèch
tremolava
lentament
al son de ta votz

E ieu,
doçament
breçolava
l’abséncia

sens plor
e sens astrada autra
que lo conéisser de tos braces
e la volença de retrobar lo sovenir
vivent 

Lou Petìt Ausèth

 

Une réflexion sur “Lo sovenir

  1. Miquèu Pujol dit :

    « Triste ei lo cèu »…

    E pas sonque de ploja…
    Ploja d’avens
    en còr en còs
    doça seria
    sense’ras bromas
    deth tems deths òmes
    que s’i fèn
    a guerras perdudas
    per tots
    en aquestes siècles
    de glaç e de mort
    tems de fin
    d’infèrns de mentidèr

    Se i sobra
    un nis per u’auseret ?

    Que serem salvats

    Miquèu Pujol

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *